ماعدت تنفعني

لاتكبر الموضوع مايحتاي تقنعني
مافي داعي يلوم الواحد الثاني

ماعدت انا انفعك لاماعدت تنفعني
أفضَل ابقى بعيد عنك .. وحداني

حاولت أجارى شعورك خفت تخدعني
قلبي دليلي وقلبي منك نجاني

ودي اعترف لك واريدك بس تسمعني
لاتقول كنا.. وكان .. وكنت تهواني

قلب وهبته لقلبك صاح: رجعني
حريتي بك .. وفيه اشوف سجاني

اهواك واهواك مدري من بها تعني
كم واحد قد سمعها قبل تلقاني

كانك تحبني حقيقة وصدق .. ودعني
وانسى زماني وانا انسى منك ماجاني

تكفيني اعذار تكفى لا تلوعني
كلهن دمعتين .. اذرفهن .. وتنساني

 


Share This